Charter Document - 05400469
| Charter Number: | 05400469 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1232 |
| Date type: | Internal, A.D. |
| Resource Link(s): |
|
Charter:
Universis presentes litteras inspecturis Sostanus de Soisiaco et Petrus de Alneto milites salutem in Domino Noverit universitas vestra quod cum inter venerabilem et religiosum virum Bartholomeum abbatem Sancti Benedicti Floriacensis ex una parte et Hugonem de Miex militem et ejus uxorem ex altera super piscatura aquarum Curte Matriniaci quam dictus Hugo dicebat ad se et uxorem suam et filiastros suos pertinere contentio verteretur tandem de bonorum virorum consilio datis fidejussoribus ex parte dicti Hugonis et uxoris sue domino Galeranno de Cranes et domino Nicolao de Altovillari domini regis baillivis in sexaginta libris parisiensium dictus abbas de assensu et voluntate conventus sui ex una parte et prenotatus Hugo et uxor ejus ex altera in nos compromiserunt promittentes se firmiter observare quidquid per arbitrium nostrum super dictis contentionibus fuerit ordinatum Nos vero facta diligenti inquisitione a testibus hinc inde productis habito prudentum consilio arbitrium nostrum protulimus in hunc modum quod omnes aque a Curia Matriniaci usque ad vadum Mangonelli sunt quitte et libere Sancti Benedicti a vado Mangonelli usque ad molendinum de Courtegis sunt dicti Hugonis et uxoris sue et filiastrorum suorum item a molendino de Cortegis usque ad vadum de Hadre sunt aque quitte et libere Sancti Benedicti Ne vero super hoc possit calumnia suboriri ego Sostanus de Soisiaco miles presentem paginam sigilli mei munimine roboravi quia vero ego Petrus de Alneto miles sigillum non habebam sigillo domini Galeranni de Cranes domini regis baillivi presentes litteras sigillavi Actum anno Domini millesimo ducentesimo tricesimo primo mense januario