Charter Document - 05400468
| Charter Number: | 05400468 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1232 |
| Date type: | Internal, A.D. |
| Resource Link(s): |
|
Charter:
Ego Geraldus vicecomes Brucie omnibus ad quos presentes littere pervenerint in Domino salutem Universitati vestre notum facio quod ego Deum habens pro oculis quitto Deo et ecclesie Sancti Benedicti de Saltu et preposito et monachis ejusdem loci in perpetuum filios et filias Joannis Bertola et Stephane uxoris sue defunctorum et filios et filias Fabri de Pancer et uxores eorum et heredes in perpetuum ita quod nihil juris vel dominii mihi retinui in eisdem et observare me concessi de cetero firmiter ac fideliter consuetudinem quam antecessores mei dicuntur habuisse cum ecclesia supradicta scilicet quod si forte homines meos vel feminas meas cum hominibus vel feminis predicte ecclesie matrimonialiter contigerit copulari ego eos quamdiu vixerint tanquam meos explectabo et post mortem eorum medietatem mobilium eorum habebo et predicta ecclesia aliam medietatem et omnes heredes eorum cum hereditagiis suis habebit et pacifice possidebit Hoc etiam totum factum est de consensu et voluntate Hugonis et Petri filiorum meorum et ut ratum et firmum in posterum habeatur presentem cartam sigilli mei munimine roboravi Actum anno Domini MCCXXXII