Charter Document - 05400459
| Charter Number: | 05400459 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1230 |
| Date type: | Internal, A.D. |
| Resource Link(s): |
|
Charter:
Simon Dei gratia Bituricensis arcniepiscopus Aquitanie primas universis presentes litteras inspecturis salutem in Domino Cum contentio verteretur inter abbatem et conventum Beati Benedicti Floriacensis et priorem de Giemo Veteri ex una parte et Joannem presbyterum ecclesie de Poliaco ex altera super portionibus dicte ecclesie et super decimis novalium ejusdem ecclesie et maxime in Valle Ligeris constitutis tandem consilio bonorum virorum compromissum est inter ipsos de assensu partium in venerabiles viros Joannem archidiaconem Nivernensem et Henricum priorem Sancti Martini Sacricesaris quorum arbitrium prolatum est in hunc modum quod dictus presbyter quittavit dictis abbati et conventui et priori de Giemo Veteri quidquid juris habebat in decimis supradictis tam veteribus quam novis tam presentibus quam futuris exceptis decimis de Bardele et de Chateleu et locorum illorum in quibus prior de Sancto Gundulfo Gibaudus dominus de Autriaco Gaufridus de Ruellis Sagotus milites Rainaldus de Chantelou Bernardus Ripaus Giraudus Pinuns et Gilotus Chevalier laici vel eorum predecessores decimas perceperant ab antiquo et adhuc percipiunt quas sive sint antique decime sive novalia dictus abbas et prior de Giemo Veteri dicto presbytero omnino quittaverunt Pro hac autem compositione habebit dictus presbyter medietatem modii bladi in grangia eorum de Poliaco et medietatem modii bladi percipiebat ab antiquo et ita dictus presbyter percipiet annuatim modium integrum in grangia eorumdem supradictam videlicet octo sextarios siliginis duos ordei duos avene ad mensuram Giemensem Nos vero dictum arbitrium seu compositionem volumus et approbamus statuentes ut illud idem jus decimarum quod ecclesie de Poliaco competebat transeat ad monachos memoratos et dictus presbyter de voluntate nostra cessit eis actiones que sibi et ecclesie sue competebant super decimis novalium requirendis Preterea cum inter sepefatos abbatem et conventum et priorem de Giemo Veteri ex una parte et presbyterum dicte ecclesie ex altera verteretur contentio super portionibus prefate ecclesie quarum medietatem ad se pertinere dicebant monachi tandem per venerabiles viros Joannem archidiaconum Nivernensem et Henricum Sacricesaris priorem in quos de voluntate nostra a partibus fuerat compromissum fuit ordinatum ut presbyter de Poliaco quicumque pro tempore fuerit solvet priori de Giemo Veteri annuatim sine difficultate aliqua viginti solidos parisiensium in octavis omnium Sanctorum et viginti solidos parisiensium in octavis Nativitatis dominice et triginta solidos Parisiensis monete cum quadam libra cere in octavis Nativitatis beati Joannis Baptiste dicta portionum medietate que eos contingebat penes presbyterum de Poliaco de cetero sine contradictione remanente dictus vero presbyter a procurationibus archipresbyteri ejusdem loci et a denariis synodalibus et parete ipsos et priorem ipsorum de Giemo si forte ad supradicta tenebantur conservare tenebitur liberos penitus et immunes Nos vero dictam compositionem seu ordinationem a partibus approbatam ratam habemus et eam sigilli nostri munimine roboravimus Actum anno Domini MCCXXX