Charter Document - 05400457
| Charter Number: | 05400457 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1229 |
| Date type: | Internal, A.D. |
| Resource Link(s): |
|
Charter:
Universis presentes litteras inspecturis Mattheus de Connis tunc temporis senescaulus P nobilis comitis Britannie salutem Noveritis quod cum controversia verteretur coram nobis inter priorem de Casa ex una parte et Robertum Rufum super medietariis curie videlicet super illa quam colit Villelmus Le Flame et super illa quam colit Gervasius Le Flame et dictus Robertus peteret dictas medictarias jure emptionis et ratione uxoris sue [] et duellum esset super hoc gagiatum coram nobis tandem per finem duelli amicabili compositione deventum est ad pacem inter priorem et Robertum predictos in hunc modum quod predictus Rufus et uxor sua et heredes sui quittaverunt et dimiserunt dictam emptionem dicto priore ita quod in dictis medietariis non possunt aliquid de cetero reclamare et proinde habuerunt de caritate dicte domus de Casa et dicti prioris decem libras turonensium In cujus rei testimonium ad petitionem dicti Roberti et uxoris sue dedimus dicto priori presentes litteras sigilli nostri munimine roboratas Actum anno Domini MCCXXIX mense aprili