Charter Document - 05400454
| Charter Number: | 05400454 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1228 |
| Date type: | Internal, A.D. |
| Resource Link(s): |
|
Charter:
Bartholomeus Dei gratia Sancti Benedicti Floriacensis abbas totusque ejusdem ecclesie conventus omnibus presentes litteras inspecturis salutem in Domino Notum facimus universis quod Raginaldus de Sancto Aniano et Bernardus de La Broce Adelina et Agnes uxores eorum quidquid habebant in prepositura nostra de Sancto Aniano lou Jaliart tam in decimis quam in omnibus rebus aliis ad preposituram pertinentibus nobis in perpetuum quittaverunt fide corporali prestita quod contra quittationem hujusmodi non venirent Nos autem pro predicta quittatione dedimus eis unum modium sigali ad mensuram Soliaci in grangia nostra de Sancto Aniano ab ipsis et heredibus suis annuatim percipiendum Quod ut ratum permaneat presentes litteras sigillorum nostrorum munimine fecimus roborari Actum anno gratie MCCXXVIII mense julio