Charter Document - 05400453
| Charter Number: | 05400453 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1228 |
| Date type: | Internal, A.D., Feast |
| Resource Link(s): |
|
Charter:
Galterus Dei gratia Senonensis archiepiscopus omnibus presentes litteras inspecturis salutem in Domino Noverint universi quod cum inter viros religiosos abbatem et conventum Sancti Benedicti Floriacensis ex una parte et magistrum Guillelmum presbyterum de Codreto ex altera questio verteretur super decimis novalium parochie de Codreto tandem mediantibus bonis viris facta est inter ipsos compositio sub hac forma dicti abbas et conventus totam decimam novalium in tota parochia percipient excepto territorio quod dicitur terra Militum in quo territorio abbas et conventus pro hujusmodi compositione mestivam prefati presbyteri augmentaverunt quia cum mestiva ipsius esset de triginta duobus minis et duobus bursellis siliginis addiderunt eidem quindecim minas siliginis duobus bursellis minus ita quod per totum percipiet annuatim quadraginta septem minas siliginis ad mensuram Lorriaci nomine mestive in predictorum abbatis et conventus granchia de Codreto dictus etiam presbyter omne jus quod habebat in perceptione novalium predictorum ecclesie Beati Benedicti concessit in perpetuum et quittavit Nos itaque compositionem eamdem approbantes et ratam habentes eam sigilli nostri autoritate duximus confirmandam Actum Senonis anno Domini ducentesimo vigesimo octavo mense junio in festo sanctorum martyrum Primi et Feliciani