Charter Document - 05400451

Universis presentes litteras inspecturis frater Villelmus prepositus Salensis magister Villelmus dictus Decanus Lorriaci et Sostanus de Sosiaso miles salutem in Domino Noverint universi quod cum venerabilis vir abbas Sancti Benedicti Floriacensis ex una parte de consensu et voluntate conventus ejusdem loci et Rainaldus de Ussum ex alia compromisissent in nobis super quibusdam articulis inferius subnotatis de quibus contentio vertebatur inter ipsos nos receptis testibus et utraque parte productis et depositionibus eorumdem diligenter inspectis arbitrando definitive pronuntiavimus in hunc modum quod Rainaldus de Ussum non potest balliare baillivam de Ussum manens extra territorium Sancti Benedicti item quod bailliva de Ussum est Rainaldi tantum ad vitam ejus ita quod post decessum ejus ad ecclesiam Sancti Benedicti revertetur et quod ipse Rainaldus tenet duas sexteratas de masura Bernardi Chapus et tres minetas de masura Theobaldi de Pontet et nihil juris habet in oschia ejusdem item quod masura Esgarinetes non est dicti Rainaldi et quod ipse tenet unam oschiam de masura Morelli de Pontet et quod lirotis est de masura Girardi de Jarreceio et quod debet Sancto Benedicto decimam et terragium et quod pecia terre de Bricolaut et oschia Gilonis Bromaut et masura Gaufridi Corbin non sunt de bailliva dicti Rainaldi et quod debent decimam et terragium Sancto Benedicto item quod in pratis de Hastis non potest dictus Rainaldus facere gratiam cum clausura vel sine clausura et quod debet recipere oblitas Philippi de Palo sine terrea et denarios autumnales ad Giemenses item quod vinea Droconis homicide et nemora de Vulpilere sunt Sancti Benedicti et quod partem eorum extirpavit item quod dictus Rainaldus non potest ponere custodem vinearum nisi convocatis illis quorum sunt vinee item quod piscatura combrarum per unam diem est abbatis et monachorum et quod non potest facere fossatum juxta domum Bricolaut nec prohibere viam ad quadrigas tempore messium item quod cepit nemora Sancti Benedicti ad faciendum duas res et quod marchesium de Painpare est Sancti Benedicti et non est de bailliva item quod de nemoribus Sancti Benedicti fecit grangias suas de Bordis et herbergagium de Griferio pro parte que non sunt in territorio Sancti Benedicti item Theobaldum traxit per terram et fere eum suspendit ipsum super premissis dicto abbati condemnante et eidem Rainaldo super his perpetuum silentium imponentes adjudicantes nihilominus prefato Rainaldo receptionem censuum ita quod mandatum abbatis receptioni censuum potest interesse et forragia grangie de Ussum que pertinent ad baillivam de Ussum de venditione autem vini quam dictus Rainaldus faciebat in domo sua de Castellione in tempore banni de qua dictus abbas conquerebatur pronuntiamus arbitrando quod dictus Rainaldus vendat vinum sicut consuevit salvo tamen abbati quod vasa ementium capiantur per mandatum ipsius abbatis item cum captum fuerit juramentum uxoris dicti Rainaldi pronuntiavimus quod de mandato Rainaldi monachi captum fuit et non de mandato abbatis In cujus rei memoriam presenti pagine sigilla propria duximus apponenda Actum anno Domini MCCXXVIII mense aprili