Charter Document - 05400450
| Charter Number: | 05400450 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1228 |
| Date type: | Internal, A.D. |
| Resource Link(s): |
|
Charter:
Universis presentes litteras inspecturis magister Guido curie Bituricensis officialis salutem in Domino Noverits quod Bernardus Quadrigarius et Nicolaus presbyter ejus filius in nostra presentia constituti recognoverunt se tenere ab ecclesia Sancti Petri de Castro Novo priori videlicet et monachis sex solidos turonensium censualer sitos ut dicitur in censu Pise Vetule ita quod quandiu vixerint ipsum dictum censum tenebunt a dictis priore et monachis Sancti Petri pro tribus solidis turonensium annuatim in crastino sancti Hylarii persolvendis et de hoc servientes erunt dictorum prioris et monachorum et post decessum ipsorum omnis predictus census ad dictam ecclesiam libere et quiete revertetur et dictus prior post decessum ipsorum Sancti Petri Sancti Martini Sancti Austregisilii capellanis quatuor denarios in crastino sancti Hylarii dicti vero Bernardus et Nicolaus presbyter ejus filius dederunt fidem in manu nostra quod contra premissa de cetero per se vel per alium venire nullatenus attentarent In cujus rei memoriam presentem cartulam sigilli curie Bituricensis munimine fecimus roborari Actum anno Domini MCCXXVIII mense aprili