Charter Document - 05400441
| Charter Number: | 05400441 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Religious |
| Charter Type(s): | Judgement |
| Date: | 1226 |
| Date type: | Internal, A.D. |
| Resource Link(s): |
|
Charter:
Abbas de Clarofonte et ejusdem loci et Sancti Arnulfi priores judices a domino legato subdelegati omnibus presentes litteras inspecturis salutem in Domino Noverit universitas vestra quod cum venerabiles viri abbas et conventus Sancti Benedicti Floriacensis ex una parte et Girardus de Arcoule et Lucia relicta defuncti Petri de Arcoule ex altera diu coram nobis autoritate domini legati litigassent super pedagio quod ab ipsis abbate et conventu petebant tandem supradictus Girardus si quid juris habebat vel habere poterat in pedagio quod a memorato abbate et conventu petebat spontanea voluntate et consilio prudentum virorum in perpetuum penitus quittavit fide prestita corporali promittens quod per se vel per alium de dicto pedagio a supradictis abbate et conventu nil peteret nec ipse nec per alium de cetero contrairet In cujus rei testimonium ad petitionem dicti Girardi litteras has sigillorum nostrorum munimine fecimus roborari Actum anno Domini MCCXXVI mense augusti