Charter Document - 05400440
| Charter Number: | 05400440 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Religious |
| Charter Type(s): | Renunciation |
| Date: | 1226 |
| Date type: | Internal, A.D. |
| Resource Link(s): |
|
Charter:
Universis Christi fidelibus presentem paginam inspecturis Henricus Belvacensis thesaurarius salutem in Domino Notum facimus quod cum nos et predecessores nostri unum gistum seu pastum super villis de Sainvilla de Autonno et de Plesseio de triennio in triennium haberemus postmodum de consensu abbatis et conventus Sancti Benedicti super Ligerim homines jam dictarum villarum pro se et heredibus suis in perpetuum nobiscum super hoc firmaverunt et nos cum eis de consensu fratrum nostrorum firmavimus in hunc modum quod ipsi homines trium villarum et eorum successores decem libras parisiensis monete scilicet homines de Sainville centum solidos et homines de Autonno et de Plesseio centum solidos nobis et heredibus nostris seu successoribus annuatim in octava Pasche in perpetuum solvere tenebuntur et sic gistum seu pastum predictum aut procurationem seu quocumque alio nom ne censeatur predictis trium villarum hominibus et eorum heredibus in perpetuum quitavimus et remisimus omnino ita quod nec nos nec successores nostri villas predictas aut homines in eis manentes occasione dicti pastus non poterimus in aliquo molestare In cujus rei testimonium et memoriam et confirmationem presentem cartam sigilli nostri impressione fecimus communiri Actum anno Domini MCCXXVI mense junii