Charter Document - 05400436
| Charter Number: | 05400436 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Lay |
| Charter Type(s): | Agreement |
| Date: | 1226 |
| Date type: | Internal, A.D. |
| Resource Link(s): |
|
Charter:
Universis presentes litteras [inspecturis] Ludovicus filius comitis Sacrocesariensis salutem in Domino Noverit universitas vestra quod nos concessimus venerabilibus viris Bartholomeo abbati et conventui Sancti Benedicti Floriacensis quod si forte nobilis vir pater meus Willelmus dominus de Sacrocesaris a partibus Grecie redierit et quittationem quam nobilis vir Henricus dominus Soliaci fecit eisdem abbati et conventui de rebus quas habebat vel habere debebat in villa de Castellione super Ligerim et pertinentiis ejus concedere et laudare noluerit ipsis quingentas libras turonensis monete quas pro laudanda quittatione prefata ab ipsis recepimus sine contradictione et occasione aliqua eis liberaliter reddemus In cujus rei testimonium prefatas litteras fieri et sigilli nostri fecimus munimine roborari Actum anno Domini millesimo ducentesimo vicesimo quinto mense marcio