Charter Document - 05400432
| Charter Number: | 05400432 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Lay |
| Charter Type(s): | Guarantee |
| Date: | 1226 |
| Date type: | Internal, A.D. |
| Resource Link(s): |
|
Charter:
Universis presentes litteras inspecturis Henricus Soliaci dominus in Domino salutem Noverit universitas vestra quod cum ego quittaverim abbati et conventui Sancti Benedicti Floriacensis quidquid juris habebam vel habere debebam in villa de Castellione super Ligerim cum pertinentiis suis et dicti abbas et conventus mihi et heredibus meis propter hoc quittaverint quidquid habebam in ballia de Villa Mesmie et pertinentiis suis bona fide concessi dictis abbati et conventui prefatam quittationem sicut in litteris meis super hoc confectis plenius continetur ad usus et consuetudines Francie garentire et ad hoc me et heredes meos obligavi In cujus rei testimonium presentes litteras fieri et sigilli mei feci munimine roborari Actum anno Domini millesimo ducentesimo vicesimo quinto