Charter Document - 05400431
| Charter Number: | 05400431 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Lay |
| Charter Type(s): | Renunciation |
| Date: | 1226 |
| Date type: | Internal, A.D. |
| Resource Link(s): |
|
Charter:
Omnibus presentes litteras inspecturis Henricus Soliaci dominus in Domino salutem Noverit universitas vestra quod cum inter nos ex una parte et venerabiles viros Bartholomeum abbatem et conventum Sancti Benedicti Floriacensis ex altera contentio diutius duravisset super viaria justiciis costumis et aliis rebus que in ville de Castellione super Ligerim et pertinentiis et hominibus ejusdem ville nemoribus et aliis rebus ad eamdem villam pertinentibus nos habere dicebamus tandem bonis viris mediantibus si quid juris in predictis omnibus reclamabamus et reclamamus sive de jure sive de facto quocumque modo poteramus dictis abbati et conventui in perpetuum quittavimus et quittamus dicti vero abbas et conventus super premissis vexationem suam et expensas redimentes et etiam pro bono pacis mille et quingentas libras parisiensis monete et balliam suam de Villa Mesmie cum omnibus pertinentiis ejus nobis et heredibus nostris contulerunt in perpetuum possidendam Cum vero supradicta de Castellione supra Ligerim ad feodum nobilium virorum comitis Campanie et Ludovici domini de Sacrocesaris necnon Archembaudi patris nostri pertinere dicerentur dictum fuit et concessum ab abbate et conventu predictis et comite Campanie et Ludovico de Sacrocesaris necnon Archembaudo patre nostro et a nobis quod sicut predicte res de Castillione erant de feodo dominorum comitis et Ludovici et Archembaudi similiter tota ballia Ville Mesmie sit de feodo ipsorum Pater autem noster Archembaudus et Vilielmus frater noster omnia supradicta voluerunt laudaverunt et si quid juris ad dictos Archembaudum et Vilielmum in posterum aliquo modo posset devenire illud penitus quittaverunt insuper uxor mea Maria istud voluit et laudavit et si quid juris in prefatis omnibus jure dotalicii sive alio quocumque modo petere posset sive ad presens sive in posterum illud quittavit penitus et remisit promittens se de cetero non reclamare prestita fide corporali Nos vero omnia supradicta similiter fide data promisimus fideliter observare Quod ut ratum et firmum permaneat in futurum presentes litteras sigilli nostri munimine duximus roborandas Actum anno Domini millesimo ducentesimo vicesimo quinto mense februario