Charter Document - 05400429
| Charter Number: | 05400429 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Lay |
| Charter Type(s): | Renunciation |
| Date: | 1226 |
| Date type: | Internal, A.D. |
| Resource Link(s): |
|
Charter:
Ego Hugo de Sancto Mauritio miles notum facio omnibus presentes litteras inspecturis quod cum causa verteretur inter me ex una parte et venerabilem virum Petrum thesaurarium Sancti Benedicti Floriacensis ex altera super quibusdam terris circiter sex vel septem arpentis sitis infra territorium de Villaribus Sancti Benedicti quas terras Petrus et Gaufridus de Brolio milites fratres mei ecclesie Sancti Benedicti vendiderunt quas etiam terras a dicto thesaurario et a dicta ecclesia jure hereditario petebam mihi dimitti tandem mediantibus bonis viris cum dicto thesaurario ita composui quod ego quittavi dictas terras ecclesie supradicte et concessi in perpetuum possidendas et easdem terras jam dicte ecclesie sub obligatione rerum mearum contra omnes homines in perpetuum bona fide garentire promisi et insuper concessi predicte ecclesie ut omnes illi qui aliquid de rebus meis post decessum meum tenuerint jamdictas terras prefate ecclesie contra omnes homines in perpetuum garentire tenebuntur dictus vero thesaurarius pro quittatione ista sive concessione facta dedit mihi quindecim libras Altissiodorenses quas mihi persolvit Hanc autem quittationem et concessionem uxor mea laudavit et concessit In cujus rei testimonio presentes litteras sigilli mei munimine roborari Actum anno millesimo ducentesimo vicesimo quinto mense februarii