Charter Document - 05400428

Charter Document - 05400428


Charter Number: 05400428
Cartulary Title: Recueil des chartes de l'abbaye de Saint-Benoît-sur-Loire
Charter Language: Latin
Charter Origin: Religious
Charter Type(s): Confirmation
Date: 1226
Date type: Internal, A.D.
Resource Link(s):

Charter:

Bartholomeus Dei patientia Sancti Benedicti Floriacensis humilis abbas totusque ejusdem ecclesie conventus omnibus presentes litteras inspecturis in Domino salutem Noverit universitas vestra quod cum Dionysia uxor Stephani Ursi masuram quamdam et terras haberet in territorio nostro de Evra Villa ipsam masuram et terras de voluntate mariti sui nobis quittavit in perpetuum pro duabus cameris quas apud Aurelianum juxta puteum Sancti Benedicti de Retor dicte Dionysie et heredibus suis concessimus similiter in perpetuum ita quod de duabus illis cameris quatuor solidos parisiensium censuales preposito nostro Aurelianensi qui pro tempore fuerit annis singulis ad festum sancti Remigii predicta Dionysia et heredes sui solvere tenebuntur salvis nobis in omnibus nostris justitiis et aliis costumis nostris In cujus rei testimonio presentes litteras sigillorum nostrorum munimine fecimus roborari Actum anno Domini millesimo ducentesimo vicesimo quinto mense februario