Charter Document - 05400427
| Charter Number: | 05400427 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1226 |
| Date type: | Internal, Papal |
| Resource Link(s): |
|
Charter:
Honorius episcopus servus servorum Dei dilectis filiis abbati et conventui monasterii Sancti Benedicti Floriacensis salutem et apostolicam benedictionem Debitum pastoralis officii decenter exequimur cum evellenda evellimus et dirigimus indirecta Oblata nobis ex parte vestra petitio continebat quod episcopus Aurelianensis et alii ecclesiarum prelati Aurelianensis diocesis in qua monasterium vestrum consistit super causis quas contra vos interdum se habere proponunt eorum sisti judicio authoritate propria vos compellunt sicque contingit sepius quod dum sic se constituunt judices et actores quia non vultis coram ipsis taliter litigare in terram vestram et homines in vestrum prejudicium excommunicationis et interdicti ferunt sententias ut sic saltem indirecte censuram ecclesiasticam in vos ipsos exerceant quam directe nequierunt eo quod monasterium vestrum exemptionis gaudere dicitur privilegio et exercere Nos igitur et eorum hujusmodi obviare malitiis et ejusdem monasterii quod ad Sedem apostolicam immediate dicitur pertinere indempnitalibus in posterum precavere volentes authoritate presentium districtius inhibemus ne quis eorum indulta vobis a Sede apostolica privilegia de cetero propter hos tales in terram vestram seu homines presumat ferre sententias sine mandato Sedis apostolice speciale Nulli ergo [] Si quis autem [] Datum Laterani sexto idus februarii pontificatus nostri anno undecimo