Charter Document - 05400426
| Charter Number: | 05400426 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1226 |
| Date type: | Internal, A.D. |
| Resource Link(s): |
|
Charter:
Omnibus presentes litteras inspecturis Guido de Merevilla miles in Domino salutem Noverint universi quod cum venerabilis pater Bartholomeus Dei patientia Sancti Benedicti Floriacensis abbas teneuram quam retraxit a Dionisio de Bogiaco milite que est sita inter domum Stephani Cive et fontem cum aqua de Nanto sicut dicta teneura se comportat de longo nobis donaret a nobis et heredibus nostris in perpetuum possidendam nos cum dicto abbate talem habuimus pactionem quod pro dictis teneura et aqua decem solidos parisiensium censuales monasterio Sancti Benedicti Floriacensis annuatim persolvere teneremur Promisimus etiam sepe dicto abbati quod inter dictam teneuram et teneuram predicti Stephani Cive faceremus viam communem tantum habentem in latitudine quod duo homines equitantes possint in eadem via sibi adinvicem obviare propter essentiam habendam hominibus Sancti Benedicti et nostris ad eundum aquam que appellatur Nantus et inter terram Sancti Benedicti et prenominatam teneuram quam dictus abbas retraxit a Dionisio dicto sicut superius predictum est faceremus quamdam semitam ad eundum pedes propter essentiam habendam tam hominibus Sancti Benedicti quam nostris ad eundum ad fontem Hanc autem donationem nobis salvis ecclesie Floriacensi in dicta teneura tota justitia et decima quas ibidem ipsa ecclesia percipiet fecit nobis dictus abbas Quod ut ratum et firmum permaneat presentes litteras sigilli nostri muni mine fecimus roborari Actum anno Domini millesimo ducentesimo vicesimo quinto mense januario