Charter Document - 05400421
| Charter Number: | 05400421 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1226 |
| Date type: | Internal, A.D. |
| Resource Link(s): |
|
Charter:
Simon Dei gratia Bituricensis archiepiscopus Aquitanie primas universis presentes litteras inspecturis salutem in Domino Noveritis quod cum abbas et conventus Sancti Benedicti Floriacensis traherent in causam filios deffuncti Radulfi de Never et Guidonem Focher eorumdem tutorem super quodam usuagio quod petebant in nemore de Chammorre ad opus prioratus sui de Monestreau et coram judicibus a Sede apostolica delegatis diversa hinc inde fuissent proposita tandem dicti abbas et conventus cum dictis filiis et antedicto tutore de bono pacis tractantes tam eos quam heredes suos quam eorum tutorem in perpetuum quittaverunt bona fide concedentes quod de cetero alicujus usuagii jure non poterunt in aliquo eorumdem nemore postulare vel reclamare nominatus vero Guido eorumdem filiorum tutor pro ista pace firmiter tenenda et inviolabili nexu observanda ex prudentum virorum consilio dedit eisdem abbati et conventui illud quod habebant dicti filii in decima agnorum de Monestero et sexdecim sextaria siliginis rasa ad mensuram Albigniaci dicto prioratui de Monestreau in festo sancti Remigii annuatim persolvenda Hoc autem supradictum bladum percipiet prior de Monesteriau in decima Enordrie quousque dicti filii vel eorum tutor bladum supradictum prioratui suo jam dicto alibi competenter assederint ad bonorum virorum estimationem Hanc autem compositionem voluerunt et concesserunt prefati filii fide data in manu archipresbyteri nostri de Capella a nobis specialiter ad hoc destinati quod contra predicta per se vel per alios venire in posterum nullatenus attentarent sicut per fidelem ejusdem archipresbyteri didicimus relationem In cujus rei memoriam et firmitudinem litteras presentes sigilli nostri munimine fecimus roborari Actum anno Domini MCCXXVI