Charter Document - 05400420
| Charter Number: | 05400420 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1225 |
| Date type: | Internal, A.D. |
| Resource Link(s): |
|
Charter:
Odo archipresbyter Soliacensis omnibus ad quos presens scriptum pervenerit in Domino salutem Noverit universitas vestra quod Bartholomeus abbas Sancti Benedicti Floriacensis et ejusdem ecclesie conventus grato concurrente assensu dederunt et concesserunt Andree cognomento Pisci vineam suam de Trebuchet et domum de Germiniaco cum terra et vinea dicte domui adjacentibus sibi et heredibus suis in perpetuum possidendam pro decem solidis parisiensium dicto conventui annuatim ad festum sancti Joannis Baptiste et aliis quinque solidis ejusdem monete ad festum sancti Gregorii annis singulis priori de Germiniaco persolvendis tali videlicet compositione quod dictam domum de Germiniaco terram et vineas superius memoratas sine assensu capituli Sancti Benedicti dictus Andreas non poterit vendere alienare vel quoquo modo in jam dicte ecclesie prejudicium obligare Si vero sepe dictus Andreas absque liberis vel liberos ejus si quos habuerit sine heredibus mori contigerit dicta domus de Germiniaco terra et vinee cum omni melioratione ad conventum superius dictum sine ullius contradictione vel reclamatione quiete et libere revertentur Quod ut firmum habeatur presentem paginam sigilli nostri munimine fecimus roborari Actum anno gratie millesimo ducentesimo vicesimo quinto mense septembri