Charter Document - 05400411
| Charter Number: | 05400411 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1224 - 1225 |
| Date type: | Assigned |
| Resource Link(s): |
|
Charter:
Excellentissimo ac illustrissimo domino suo Ludovico digna Dei providentia magnifico Francorum regi dictus abbas et conventus de Riveto Cisterciensis ordinis salutem et quidquid pauperum Christi potest oratio apud Deum Noverit excellentia vestra quod monasterium Sancti Petri Regule pro se et pro monasterio Sancti Benedicti Floriacensis habuit tenuit et possedit tanquam suum proprium pacifice et quiete integre et indivise totum dominium totam juridictionem ac totam justitiam ville Regule in sanguinis etiam causis et latrocinii usque ad tempora domini Richardi quondam regis Anglie qui primo spoliavit ipsa monasteria justitia sanguinis et latrocinii et ab eo tempore ipsa monasteria in magna parte justitie dicte ville Regule et in multis aliis juribus suis compelluntur violentiam sustinere