Charter Document - 05400407

Simon Dei gratia Bituricensis archiepis opus Aquitanie primas Joannes Dolensis abbas et magister Petrus de Vico archidiaconus Bituricensis universis presentes litteras inspecturis salutem in Domino Noverint universi quod cum verteretur controversia coram nobis autoritate apostolica inter venerabilem in Christo patrem Galterum archiepiscopum Senonensem ex una parte et viros religiosos Bartholomeum abbatem et conventum Sancti Benedicti Floriacensis ex altera super procuratione quam petebat idem archiepiscopus in monasterio Sancti Benedicti Floriacensis tandem intervenientibus viris prudentibus et discretis compromiserunt in nos dicte partes promittentes quod ipsi quidquid statueremus vel diceremus haut et bas super eadem controversia firmiter observarent et hoc promiserunt sub pena ducentarum marcharum argenti et super eadem pena dederunt fide jussores videlicet archiepiscopus venerabilem in Christo patrem R episcopum Nivernensem in centum marchis et Archambaudum decanum Bituricensem in quinquaginta marchis et Gregorium canonicum Parisiensem in quinquaginta marchis abbas vero et Joannes prior de Veteri Giemo procurator conventus eumdem episcopum Nivernensem in centum marchis et Savaricum abbatem Corbiniacensem in centum marchis qui dicti fide jussores obligaverunt se ut dictum est stipulatione interveniente pro parte illa que a dicto nostro resiliret ad solutionem faciendam dicte pene parti illi que staret dicto nostro juridictioni nostre se subjicientes et renunciando super hoc omni exceptioni coherenti rei vel persone promisit etiam dictus archiepiscopus quod bona fide procurabit quod capitulum Senonense ratum habebit dictum nostrum et sigillo suo sigillabit Quod si forte dictum capitulum non faceret partes ad nostram redirent juridictionem negotio remanente in eo statu in quo erat in crastino octave beati Dionysii abbas vero supradictus debet dictum nostrum approbare et sigilli sui appositione confirmare alioquin incideret in penam supradictam nos autem de consensu partium retenta juridictione autoritate apostolica nobis commissa omnes sententias latas occasione litis et controversie supradicte quandocumque et in quoscunque revocamus et si aliqui sunt ligati aliqua sententiarum illarum absolvimus et denuntiamus absolutos habito igitur prudentum virorum consilio et tractatu diligenti dictum nostrum protulimus in hunc modum quod pro dicta sola procuratione solius monasterii Sancti Benedicti Floriacensis dicti abbas et conventus solvent prefato archiepiscopo Senonensi quadringentas libras parisiensium monete videlicet ducentas libras in instanti festo Sancti Martini hyemalis et alias ducentas in instantibus nundinis Barri et hac facta solutione dicte summe monasterium Sancti Benedicti Floriacensis erit a dicta procuratione in perpetuum absolutum Injunximus autem dicto archiepiscopo quod omnia que extabant capta de mandato suo occasione dicte controversie sive procurationis denegate restitueret nec inde posset aliquid retinere nisi usque ad valorem viginti librarum parisiensium ita tamen si essent alienata vel consumpta quod fidei ejus commisimus et etiam restitutionem eorum que dicuntur capta esse fidei sue duximus committendam precipientes eidem quod omnes sententias quas tulerat in quoscunque occasione dicte controversie sue sive procurationis denegare relaxaret nec inde aliquam emendam levaret Hoc itaque dictum nostrum partes predicte approbaverunt promittentes se in omnibus et per omnia illud observaturas Actum Bituris anno Domini millesimo ducentesimo vigesimo quarto mense octobri in festo beati Luce evangeliste