Charter Document - 05400393
| Charter Number: | 05400393 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1222 |
| Date type: | Internal, A.D., Feast |
| Resource Link(s): |
|
Charter:
Stephanus archidiaconus Carnotensis universis Christi fidelibus presentes litteras inspecturis in Domino salutem Noverint universi quod cum inter reverendum patrem Galterum Carnotensem episcopum ex una parte et viros religiosos abbatem et conventum Sancti Benedicti Floriacensis ex altera super jure patronatus ecclesie de Suncampo Carnotensis dyocesis diu questio verteretur coram reverendo patre Aurelianensi episcopo et conjudicibus suis tandem post multas altercationes et allegationes mediantibus bonis viris pro bono pacis reverendus pater dominus Carnotensis et dicti monachi compromiserunt in viros venerabiles et discretos A Senonensem et Lebertum Aurelianensem decanos tandem vero inquisitione per dictum episcopum plenius facta secundum conscientiam ipsius quoniam non volebat nec intendebat jus alienum aliquatenus usurpare et etiam per ipsos arbitros facta similiter inquisitione tam per ipsum episcopum quam per ipsos arbitros recognitum fuit et declaratum jus patronatus ecclesie Suncampi esse monasterii Sancti Benedicti Floriacensis et id ipsum monasterium indubitanter pertinere Cui rei ego Stephanus Carnotensis archidiaconus interfui et id ipsum indubitanter et firmiter approbavi In cujus rei testimonium presens scriptum sigilli mei appositione feci communiri Actum Carnotis crastino Assumptionis beate Marie Virginis anno Domini millesimo ducentesimo vicesimo secundo