Charter Document - 05400389
| Charter Number: | 05400389 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1222 |
| Date type: | Internal, A.D. |
| Resource Link(s): |
|
Charter:
Magister [] officialis Parisiensis omnibus presentes litteras inspecturis salutem in Domino Noverit universitas vestra quod domna Maria de Bello Campo in nostra presentia constituta venditionem factam abbati et conventui Sancti Benedicti Floriacensis a Roberto genere suo et Joanne filia sua uxore dicti Roberti trium scilicet modiorum sigali quos dicta Maria diu tenuerat in feodum ab abbate et conventu supradictis quos etiam dicti Robertus et Joanna uxor ejus similiter in feodum de assensu dicte Marie a predictis postmodum tenuerunt et tempore venditionis tenebant laudavit voluit concessit et fide corporali prestita firmavit quod de cetero nec per se vel per alium occasione alicujus juris quod in dictis tribus modiis aliquo tempore habuerit vel etiam nunc diceret se habere contra factam venditionem veniet nec dictos abbatem et conventum supradicta venditione aliquatenus molestaret vel faciet molestari Nos vero quia Maria sigillum proprium non habebat in hujus rei testimonium ad instantiam ipsius presentes litteras sigillo nostro duximus roborandas Actum anno gratie millesimo ducentesimo vicesimo primo mense martio