Charter Document - 05400382
| Charter Number: | 05400382 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1221 |
| Date type: | Internal, A.D. |
| Resource Link(s): |
|
Charter:
Lebertus decanus et universum Aurelianense capitulum omnibus presentes litteras inspecturis salutem in Domino Noverint universi quod cum esset contentio inter venerabilem patrem et dominum nostrum Manassem Aurelianensem episcopum ex una parte et viros venerabiles abbatem et conventum Beati Benedicti Floriacensis ex altera super eo videlicet quod in capellis burgi Beati Benedicti videlicet in capella Sancti Clementis in capella Sancti Lazari in capella Sancti Andree in capella Sancti Dionysii et in capella etiam Sancte Scholastice ad jura ecclesiastica admittebantur parochiani tandem mediantibus bonis viris in hanc formam pacis amicabiliter convenerunt Capellani siquidem predictarum capellarum sine calumnia et contradictione cujuslibet mulieris ad purificationem admittere aquam benedictam et processiones more solito facere festa et jejunia annuntiare de deperditis vocare poterunt sed non excommunicare nisi de mandato presbyteri ecclesie parochialis Sancti videlicet Sebastiani panem vero benedictum facere et cetera jura parochialia ad presbyterum parochie pertinebunt parochiam autem in quinque festis inferius exprimendis ad parochialem ecclesiam accedere tenebuntur oblationes debitas reddituri nisi forte impedimento [] Nos autem compositionem suprascriptam ratam habemus volumus et approbamus et in hujus rei fidem robur et testimonium presentem paginam litteris annotatam sigilli nostri munimine roboramus Actum anno Domini MCCXXI mense maio