Charter Document - 05400368
| Charter Number: | 05400368 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1219 |
| Date type: | Internal, A.D. |
| Resource Link(s): |
|
Charter:
Sancti Martini de Campis et Sancti Victoris priores et decanus Sancti Marcelli Parisiensis omnibus presentes litteras inspecturis in Domino salutem Noverit universitas vestra quod cum a domino papa dati essemus executores et conservatores super decimis quorumdam novalium ecclesie Beati Benedicti Floriacensis ab eodem concessis tandem abbate et conventu Sancti Benedicti ex una parte et presbytero de Cataletta qui se dicte concessioni opponere videbatur ex altera in nostra presentia constitutis de utriusque partis assensu ita fuit compositum coram nobis dictus presbyter de Cataletta qui se dicte concessione opponere videbatur in perpetuum ad firmam pro duobus sextariis tramesii dicte ecclesie Sancti Benedicti quamdam decimam quam percipere solebat in campo Male Vicine qui est juxta domum Gaufredi Randuni et in campo Martini de Acri fame qui dicitur Clausus juxta Montem Argi situs Reddentur autem duo predicta sextaria dicto presbytero et ejus successoribus singulis annis infra festum sancti Remigii in grangia monachorum alie vero decime magne omnes tam veteres quam nove ubicumque fuerint venient ad dictam grangiam monachorum et inter monachos et presbyterum suosque successores equaliter dividentur tractus vero dictarum decimarum cum his que ad ipsum tractum pertinent sicut solet antiquitus dictis monachis libere remanebit ita quod tractor decimarum faciet fidelitatem presbytero singulis annis de indempnitate et ex equo ponent ibi trituratores tam presbyter quam monachi memorati Adjunctum est etiam quod dictus presbyter in farragine straminis videlicet et palearum medietatem habebit et his que supra diximus contentus nihil contra dictos monachos amplius super premissis poterit reclamare Huic autem compositioni coram nobis facte et in scriptum redacte assensum nostrum prebuimus et eamdem sigillorum nostrorum impressione probavimus et roboravimus retinentes nobis jurisdictionem de utriusque partis assensu in illos qui a dicta compositione vellent aliquo modo resilire Actum anno Domini millesimo ducentesimo decimo nono mense septembri