Charter Document - 05400367
| Charter Number: | 05400367 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1219 |
| Date type: | Internal, A.D. |
| Resource Link(s): |
|
Charter:
Manasses Dei gratia Aurelianensis episcopus omnibus presentes litteras inspecturis salutem in Domino Attendentes quod in generali concilio deliberatione provida sit statutum ut presbiteris parochalium ecclesiarum deputatis de proventibus oblationum et decimarum ad ecclesias ipsas pertinentibus portio sufficiens assignetur de voluntate et assensu venerabilis viri Bartholomei abbatis Sancti Benedicti Floriacensis qui in ecclesia de Bolunvilla jus patronatus habere dinoscitur auctoritate ejusdem concilii presbitero ipsius ecclesie in augmentationem sui redditus diximus assignandum quod duas partes oblationem ad altare suum provenientium in quibusdam diebus solemnibus videlicet in solemnitate Omnium Sanctorum et in Natale Domini et in Purificatione beate Marie et in diebus Pasche et Pentecostes duas partes minutarum decimarum sue parochie quas abbas et monachi supradicti Sancti Benedicti solebant percipere necnon et medietatem decime vini totius sue parochie quam antea totaliter consueverunt percipere abbas et monachi supradicti tam idem presbiter de Bolunvilla quam ejus successores presbiteri percipiant in perpetuum et possideant nec de vinea ad presbiterum ipsius ecclesie pertinenti que sita est in censiva Sancti Benedicti decimam solvet presbiter supradictus vel ipsius successores Insuper memoratus sacerdos et ejus successores presbiteri duos modios frumenti et dimidium et totidem ordei in grangia de Bolunvilla abbatis et monachorum Sancti Benedicti percipient annuatim Hec autem que superius sunt expressa salvis proventibus et reditibus aliis quas prius presbiter de Bolunvilla nomine ecclesie sue possidebat presbiter ejusdem ecclesie auctoritate concilii ordinavimus ac statuimus in perpetuum adherere Quod ut ratum et notum permaneat presentes litteras fieri fecimus et sigilli nostri munimine roborari Actum anno Domini millesimo ducentesimo nono decimo mense maio