Charter Document - 05400363
| Charter Number: | 05400363 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1218 |
| Date type: | Internal, A.D. |
| Resource Link(s): |
|
Charter:
Omnibus presentes litteras inspecturis Guido de Merevilla et Elizabeth uxor ejus salutem in Domino Noverit universitas vestra quod nos dedimus in excambio abbati et conventui Sancti Benedicti Floriacensis viariam nostram de Telleio cum pertinentiis suis in perpetuum possidendam quam tenebamus de domino Galterio de Nemosio pro duabus masuris apud Bogiacum sitis quarum una protenditur a fossatis mote nostre usque ad viam versus nemus et altera que illi conjungitur tantum via interposita cum noa que sita est sub aqua que dicitur Nandus que dicti abbas et conventus dederunt nobis similiter in perpetuum possidenda in escambio supradicte viarie tali conditione quod homines dictorum abbatis et conventus apud Bogiacum manentes ad usum sui et pecudum suarum liberum accessum habebunt ad aquam que dicitur Nandus et ad hoc prestabimus eis viam latam ad duas quadrigas sibi invicem obvientes inter vineam et terram Stephani [] salvis dictis abbatis et conventui decimis dictarum masurarum In cujus rei testimonium presentem paginam sigillo meo feci roborari Actum anno Domini millesimo ducentesimo decimo octavo mense octobri