Charter Document - 05400359
| Charter Number: | 05400359 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Religious |
| Charter Type(s): | Promise |
| Date: | 1218 |
| Date type: | Internal, A.D., Feast |
| Resource Link(s): |
|
Charter:
Manasses Dei gratia Aurelianensis episcopus omnibus presentes litteras inspecturis salutem in Domino Noverint universi quod super controversia que vertebatur inter nos et venerabiles viros Bartholomeum abbatem et conventum Sancti Benedicti Floriacensis super decimis novalium in parrochiis de Tigiaco de Gilliaco et de Noviaco et in omnibus aliis parrochiis in archidiaconatu Soliacensi constitutis in quibus jus habent patronatus in dilectos filios Lebertum decanum Paganum subdecanum Aurelianenses et magistrum Richardum canonicum Jargogilensem compromisimus sub pena viginti marcharum quod quidquid super hoc vel propter hoc haut et bas ordinabunt ratum habebimus et firmum promittentes etiam sub eadem pena per litteras testimoniales dilectorum filiorum capituli Aurelianensis ordinationem eorum infra octavas beate Marie Magdalene faciemus approbari Datum sabbato ante festum sancti Arnulphi anno Domini millesimo ducentesimo octavo decimo mense julio