Charter Document - 05400347
| Charter Number: | 05400347 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1218 |
| Date type: | Internal, A.D. |
| Resource Link(s): |
|
Charter:
Hugo Registentensis comes et uxor mea Felicitas et Hugo primogenitus noster notum facimus omnibus tam futuris quam presentibus quod cum discordia verteretur inter nos ex una parte et ecclesiam Sancti Benedicti super Ligerim super quodam nemore quod situm est juxta Salciam quod etiam Linneium vocatur et quod erat proprium dicte ecclesie quamvis pravo ducti consilio adversus dictam ecclesiam diu litigaremur tandem pro bono pacis ob remedium antecessorum nostrorum et successorum et nostrarum animarum totum nemus predictum cum fundo ipsius nemoris quemadmodum se comportat dicte ecclesie prorsus quittum clamavimus in perpetuum possidendum et ob voluntatem suam faciendum ita quod nos nec successores nostri in eodem nemore neque in fundo ipsius nemoris nil reclamabimus Ceterum sciant universi quod monachi predicte ecclesie termino illo quo presens carta facta fuit nobis dederunt et concesserunt nemus illud quod tunc situm erat supra fundum ita quod totum debuit vendi et excidi extunc in quatuor annos In cujus rei testimonium presentem paginam sigillorum nostrorum appensionibus munivimus Actum anno gratie MCCXVIII mense augusto