Charter Document - 05400338
| Charter Number: | 05400338 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1217 |
| Date type: | Internal, A.D. |
| Resource Link(s): |
|
Charter:
Fulco decanus et Yvo cantor Aurelianenses omnibus presentes litteras inspecturis salutem in Domino Noverit universitas vestra quod contentio erat coram nobis autoritate apostolica inter thesaurarium Sancti Benedicti Floriacensis ex una parte et Joannem presbyterum de Traciaco ex altera super portione oblationum ecclesie de Traciaco quas predictus thesaurarius ad se et ad ecclesiam Sancti Benedicti pertinere constanter asserebat eodem Joanne presbytero predicte ecclesie in contrarium asserente tandem vero utraque pars in nostra presentia constituta in hanc formam pacis sine contradictione convenerunt quod presbyter predicte ecclesie capiet primo sibi oblationes militum et eorumdem familiarium et servientium juratorum et puellarum et servientum qui non tenent locum vel ignem et transeuntium et etiam mansionariorum et parochianorum de Arte capiet etiam presbyter primo quatuor panes et quatuor denarios et quatuor candelas residuum vero oblationum dividetur in duas partes et unam capiet sacerdos reliqua vero dividetur in quatuor partes et tunc sacerdos capiet quartam partem thesaurarius vero vel aliquis ex parte sua reliquas tres partes et hoc modo fiet in festo Omnium Sanctorum et in Nativitate Domini et in crastino ejusdem Nativitatis et in Assumptione Beate Marie tantum Hanc autem compositionem coram nobis solemniter factam ad petitionem utriusque partis litteris fecimus commendari et sigillorum nostrorum munimine roborari ne posset in posterum super hoc contentio oriri Actum Aurelianis anno gratie MCCXVI mense martio