Charter Document - 05400336
| Charter Number: | 05400336 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1216 |
| Date type: | Internal, A.D. |
| Resource Link(s): |
|
Charter:
Reginaldus Dei gratia Carnotensis episcopus omnibus ad quos presentes littere pervenerint salutem in Domino Noverit universitas vestra quod nos volumus et concedimus quod ecclesia Sancti Benedicti Floriacensis habeat et in perpetuum libere et pacifice pleno jure possideat decimas centum et sexaginta duorum arpennorum nemoris siti in balliva ejusdem ecclesie de Sonchamp quod Bartholomeus abbas et conventus dicte ecclesie et nobilis vir Simon de Monteforti comes Tolosanus dux Narbonii et nobilis vir Robertus de Brena primogenitus R comitis Drocensis dederunt Hugoni scutifero domini Regis Francorum ad essartandum In cujus rei memoriam presentes litteras sigillo nostro fecimus sigillari Actum anno gratie MCCXVI