Charter Document - 05400325
| Charter Number: | 05400325 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1213 |
| Date type: | Internal, A.D. |
| Resource Link(s): |
|
Charter:
Fulco decanus et universum Aurelianense capitulum universis presentibus pariter et futuris salutem in Domino Noverint universi presentes pariter et futuri quod nos formam pacis inter venerabilem patrem nostrum Manassem Aurelianensem episcopum ex una parte et carissimos in Christo viros venerabilem abbatem et conventum Beati Benedicti Floriacensis ex altera initam super procurationibus quas idem episcopus ab eis exigebat tum in corpore ipsius abbatie et in prioratibus de Castronovo super Ligerim de Vitriaco de Evera Castro et de Sancto Aniano le Gaillart tum etiam in domibus de Evera Villa et de Villa abbatis de Germiniaco de Sancto Gervasio et de loco qui Baudrevillare dicitur formam inquam pacis sicut in patentibus ipsius episcopi litteris super hoc editis continetur ratam habemus et approbamus et in hujus rei fidem et testimonium presentem paginam litteris annotatam sigilli nostri munimine roboramus Actum anno Domini millesimo ducentesimo tercio decimo mense maio