Charter Document - 05400324

Charter Document - 05400324


Charter Number: 05400324
Cartulary Title: Recueil des chartes de l'abbaye de Saint-Benoît-sur-Loire
Charter Language: Latin
Charter Origin: Religious
Charter Type(s): Confirmation
Date: 1213
Date type: Internal, A.D.
Resource Link(s):

Charter:

Manasses Dei gratia Aurelianensis episcopus omnibus presentes litteras inspecturis salutem in Domino Noverit universitas vestra quod dilectus et fidelis noster Willelmus de Bolunvilla miles in nostra presentia constitutus recognovit quod bone memorie Hugo de Bolunvilla pater suus ecclesie Sancti Benedicti Floriacensis tresdecim solidos et quatuor denarios censuales in parochia de Vereniaco constitutos contulit in perpetuum possidendos memoratus autem Willelmus patris sui donationem laudans et concedens eidem ecclesie pro remedio anime sue octo denarios censuales in dicta parochia de Vereniaco constitutos in perpetuam contulit eleemosynam quiete et libere possidendos In cujus rei memoriam et testimonium presentes litteras sigilli nostri minimine fecimus ad petitionem prefati militis communiri Actum anno gratie millesimo ducentesimo tertio decimo mense maio