Charter Document - 05400323
| Charter Number: | 05400323 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Religious |
| Charter Type(s): | Renunciation |
| Date: | 1213 |
| Date type: | Internal, A.D. |
| Resource Link(s): |
|
Charter:
Adam Breuns archidiaconus Aurelianensis omnibus presentes litteras inspecturis salutem in Domino Noverint universi presentes pariter et futuri quod nos formam compositionis et pacis inter venerabilem patrem et dominum nostrum Manassem Aurelianensem episcopum ex una parte et bonos in Christo viros venerabilem abbatem et conventum Sancti Benedicti Floriacensis ex altera initam super procurationibus quas idem episcopus ab eis exigebat in prioratibus de Vitriaco de Evra Castro necnon in domibus de Evra villa et de Baudrevillari in archidiaconatu nostro existentibus formam inquam compositionis et pacis sicut in patentibus ipsius episcopi litteris super hoc editis et confectis plenius contineri prospeximus ratam habemus pariter et acceptam et quidquid juris ratione procurationum tam in predictis prioratibus quam in domibus premissis habebamus plenarie et perfecte quittavimus et remisimus in perpetuum Quod ut ratum et notum haberetur presentes litteras de assensu et voluntate ipsius domini episcopi fieri fecimus et sigilli nostri munimine roborari Actum anno Domini millesimo ducentesimo tertio decimo mense maio