Charter Document - 05400320
| Charter Number: | 05400320 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Lay |
| Charter Type(s): | Recognition |
| Date: | 1210 |
| Date type: | Internal, A.D. |
| Resource Link(s): |
|
Charter:
Ego Petrus comes Autissiodorensis et Tornodorensis notum facio tam presentibus quam futuris me injuriosum extitisse abbati et monachis Sancti Benedicti super Ligerim Quecumque ceperam in villa de Dyeto que ipsorum subjacet juri violenter et injuste capiendo propter quoddam gistum quod in eadem villa me de jure habere suspicabar multis namque probis viris attestantibus cognovi quod secundum justitiam non poteram consequi quod petebam Carta etiam Willelmi comitis Nivernensis de eadem villa conscripta testificabatur libertatem quam idem comes G eisdem monachis contulerat in ipsa villa de Dyeto ab omni exactione Ad confirmationem ergo eorum que in ipsa carta G continebantur ut salva et illibata de cetero monachis permaneant hanc cartam conscribi feci et sigilli mei impressione muniri Actum est hoc anno gratie MCCX