Charter Document - 05400319
| Charter Number: | 05400319 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1210 |
| Date type: | Internal, A.D. |
| Resource Link(s): |
|
Charter:
Notum sit omnibus tam posteris quam presentibus quod ego Willelmus Brito cum assensu uxoris mee et filiorum meorum Deo et Beato Benedicto Floriacensi et monachis in domo de Mengniaco Deo servientibus et servituris absque ulla reclamatione mei vel meorum terram de Costart cum pertinentiis suis et hominibus super eadem terra manentibus et reditibus eorum pro salute anime mee et antecessorum meorum in puram quittam liberam et perpetuam eleemosinam dedi et concessi et hac presenti carta mea confirmavi de qua terra et hominibus et reditibus illius terre in manu domini Silvestri Sagiensis episcopi in domo scilicet de Chesne Galon multis videntibus et audientibus ne dissaistavi qui dictus episcopus ad meam petitionem et mee uxoris et filiorum meorum prefatos monachos de Mengniaco de eadem eleemosina investivit quam quidem terram Petrus le Dagre et fratres ejus in feodo et hereditate de me tenuerunt et de predictis monachis de Mengniaco amodo tenebunt reddendo eisdem monachis ad festum sancti Remigii annuatim quatuor libras dunesensium et domi is capitalibus servitia Ego autem et mei heredes prefatam eleemosinam memoratis monachis deferdere et garentizare tenemur sepedicti vero monachi oculo benigiori meam necessitatem intuentes quatuor viginti libras turonensium mihi caritative contulerunt et quia terram predictam de Costart cum uxore mea in matrimonio acceperam de dictis quatuor viginti libris Turonensium quamdam terram a meo fratre emi apud Laquele quam pro escambio terre de Costart eidem mee uxori dedi ne ipsa aliqua malignitate seducta dictos monachos super predicta eleemosina vexare presumat Facta fuit hec charta anno dominice incarnationis Domini nostri Jesu Christi millesimo ducentesimo decimo