Charter Document - 05400317
| Charter Number: | 05400317 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Lay |
| Charter Type(s): | Recognition |
| Date: | 1210 |
| Date type: | Internal, A.D. |
| Resource Link(s): |
|
Charter:
Ego Petrus comes Autissiodorensis et Tornodorensis notum facio universis presentibus pariter et futuris quod cum ad suggestionem hominum meorum putarem me in villa de Dye procurationem et gistum habere et etiam prepositos et canes meos similiter in eadem villa procurationem habere putarem tandem inquisita rei veritate a bonis viris et fide dignis cognovi me in dicta villa nihil juris vel consuetudines habere nec etiam prepositos vel canes meos vel aliquos ad me pertinentes Quittavi itaque et adhuc quitto ecclesie Beati Benedicti quidquid juris vel consuetudinis me vel meos in dicta villa habere proclamabam hoc excepto quod villa illa est de castellaria Tornodori Et ne super hoc vel heredes mei dictam ecclesiam vel villam in aliquo possimus molestare presentem paginam sigilli mei munimine roboravi Actum anno Domini MCCX