Charter Document - 05400312

Garnerius Dei gratia humilis abbas Sancti Benedicti Floriacensis et totius ejusdem ecclesie conventus omnibus tam presentibus quam futuris presentes litteras inspecturis in Domino salutem Noverit universitas vestra quod veniens ad nos dilectus noster Willelmus presbyter de Sperreia humiliter a nobis postulavit ut ei fraternitatem nostram et beneficium ecclesie nostre tam in vita quam in morte concederemus cujus nos devotionem considerantes ejus pie petitioni condescendentes in fratrem eum recepimus et omnium beneficiorum nostrorum par icipem fieri concessimus Cum itaque domus nostra de Magniaco multis et magnis debitis obligata teneretur et ab avara feneratorum manu par se de facili erui non posset jam dicti Villelmi presbyteri probitatem simul et dilectionem considerantes eamdem domum ei dedimus et concessimus quandiu vixerit pacifice possidendam sicut eam alii priores ante eum tenuerant Ipse vero eamdem domum hoc eodem hujus donationis anno ab omni debito liberavit et unum ibi monachum secum tenebit cui honorifice et sufficienter necessaria ministrabit nobisque quantum ad prioratum illum pertinet tenebitur obedire censum quoque quem predicta domus debere dinoscitur videlicet eleemosinario nostro II libras X solidos turonensium cantori duos solidos turonensis monete cellerario etiam nostro viginti solidos parisiensium singulis annis sine contradictione persolvet Ad festivitatem quoque sancti Benedicti hyemalem singulis annis ecclesiam nostram in persona propria visitebit nisi aliqua rationabili et manifesta causa per licentiam nostram remanserit Monachus in eadem domo manens si aliqua rationabili et evidenti causa fuerit amovendus nos alium quem dictus Willelmus rationabiliter petierit et postulaverit substituemus Eamdem autem domum cum omnibus ad eam pertinentibus memoratus Willelmus idem prior indemnem pro posse suo conservabit nec aliquid de rebus vel reditibus suis detrimentum pati vel alienari permittet Si vero superna gratia inspiratus religionis habitum assumere decreverit ad aliam nisi ad nostram ecclesiam transire non poterit illa siquidem nature jura persolvente predicta domus nostra de Magniaco ab omni debito libera cum omnibus que in ea fuerint tam mobilibus quam immobilibus pacifice et absque alicujus reclamatione nobis remanebit Idem etiam Willelmus medietatem omnium que ubicumque habere dinoscetur pro remedio anime sue in eleemosynam nobis dedit et concessit habendam tam in mobilibus quam immobilibus Hec omnia sicut in presenti carta sunt redacta sepe dictus Willelmus se fideliter tenere et inviolabiliter observare tactis sacrosanctis in capitulo nostro firmavit dominus quoque Sylvester Sagiensis episcopus hec omnia concessit et ad nostram et memorati Willelmi petitionem presentem cartam sigilli sui caractere roboravit nos etiam in hujus rei testimonium hanc eamdem cartam sigillorum nostrorum munimine confirmavimus Actum publice in capitulo Floriacensi anno incarnati Verbi millesimo ducentesimo nono mense decembri