Charter Document - 05400302
| Charter Number: | 05400302 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1209 |
| Date type: | Internal, A.D. |
| Resource Link(s): |
|
Charter:
Petrus Dei gratia Senonensis archiepiscopus omnibus presentes litteras inspecturis in Domino salutem Noverint universi quod ecclesia Beati Benedicti Floriacensis titulo permutationis dedit presbytero de Meinvillari terram quondam Galteri Carnotensis quam eadem ecclesia emerat a Willelmo de Montoire et plateam quamdam quam eadem ecclesia similiter emerat ab eodem in masura Radulphi de Puteo pro uno modio et una mina bladi redditus annui quos dictus presbyter in decima quondam prefati Willelmi nunc autem sepefate ecclesie percipiebat et illa portione synodi que pro eadem decima debebatur cujus solutio in ipsium presbyterum et ejus successores de cetero ratione permutationis transfertur Adjecta est etiam conditio talis quod terram et plateam quas presbyter ex ipsa permutatione recepit prefata ecclesia tam ipsi quam suis successoribus tenebitur garantire et expensas et damna si qua nomine dictarum rerum sustinuerit resarcire In cujus rei memoriam presentem paginam sigilli nostri munimine fecimus communiri Actum anno gratie millesimo ducentesimo nono mense maio