Charter Document - 05400282
| Charter Number: | 05400282 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1200 |
| Date type: | Internal, A.D. |
| Resource Link(s): |
|
Charter:
Universis presentes litteras inspecturis Agnordis domina Bellijoci salutem in Domino Noverit universitas vestra quod cum contentio verteretur inter me ex una parte et venerabilem abbatem et conventum Sancti Benedicti Floriacensis et priorem Sancti Martini de Sancero ex altera super quibusdam terris que Bruerie de Brociis Sancti Martini vocantur sitis in diocesi Autissiodorensi quas dicti abbas et conventus et prior prioratus Sancti Martini de Sancero de jure pertinere dicebant me vero contrarium asserente tandem de bonorum virorum consilio composuimus ad invicem in hunc modum quod dicti abbas et conventus et prior quittaverunt mihi et heredibus meis predictas terras in perpetuum possidendas Ego vero pro donatione ista pro anniversario meo in ecclesia Sancti Martini de Sancero annis singulis in perpetuum celebrando dedi et concessi duos sextarios sigilinis ad mensuram de Sacrocesare infra octavas sanctorum Remigii et Germani priori sancti Germani qui pro tempore erit annuatim in perpetuum persolvendos cum propriis nunciis et expensis meis dicto termino ad dictum prioratum deferendos Premisi etiam fide prestita corporali compositionem predictam firmiter et inviolabiliter me in perpetuum servaturam Volo autem quod heredes mei compositionem hujusmodi observare firmiter et fideliter in perpetuum teneantur Datum anno Domini MCC