Charter Document - 05400278
| Charter Number: | 05400278 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Lay |
| Charter Type(s): | Bequest |
| Date: | 1198 |
| Date type: | Assigned |
| Resource Link(s): |
|
Charter:
Auctoritate veterum inolevit consuetudo ut que concorditer fiunt tenaci litterarum memorie tradantur Ea propter posterorum memorie tradimus quod Giraudus vicecomes Brucie filius domne Agathe de Prullet donavit quittavit et concessit Deo et beate Marie et reverendo beato patri Benedicto monachisque Salensibus in perpetuum possidendum sine querela pro anima patris sui et matris et aliorum parentum suorum tam vivorum quam mortuorum omnes homines ac mulieres advenientes ubicumque in terram Sancti Benedicti extra vicum Sancti Benedicti de quacumque terra advenerint sive de Mangnac vel de Mangnazeis vel de Tremulia et de Tremuleis sive de Brider et de Bridareis vel de Largisa et de Guirseis sive de Gargelesse et de Gargelesseis de Duno et de Duneis de Anallac et de Analazeis vel de quacunque alia terra advenientes habitaverint in terra Sancti Benedicti extra vicum Sancti Benedicti salvis aliis consuetudinibus vicecomitis Brucie Hoc autem factum est in manu Hugonis abbatis beati Martialis Lemovicensis tunc prepositi Salensis videntibus et audientibus Bosone Folii Helia Folii Villelmo Brachet Helia Cardonis Villelmo de Pennavaria Gaufredo de Oratorio Oleverio de Noallac Bernardo Bohart Petro de Melloi Guidone de Challac Giraudo de Brueuil G Sanner et servientibus Sancti Benedicti Berengario Benedicto Galabruni Stephano Galabruni Gaufredo Porcelli Stephano Boet Villelmo monacho Petro Legat monacho Raimundo cellerario monacho Petro capellano Sancti Benedicti Si quis hoc violare presumpserit in gehenne incendiis cum angelis diaboli penas eternas patiatur