Charter Document - 05400257

Urbanus episcopus servus servorum Dei dilectis filiis Sevino priori ecclesie Sancte Marie de Vadi Caparum ejusque fratribus tam presentibus quam futuris regularem vitam professis in perpetuum Quotiens a nobis petitur quod religioni et honestati convenire dignoscitur animo nos decet libenti concedere et petentium desideriis effectum congruum impertiri Ea propter dilecti in Domino filii vestris justis postulationibus clementer annuimus et prefatam ecclesiam Sancte Marie de Vado Caparum in qua divino estis obsequio mancipati sub beati Petri et nostra protectione suscipimus et presentis scripti privilegio communimus Imprimis siquidem statuentes ut ordo monasticus qui secundum Deum et beati Benedicti regulam in eodem loco noscitur institutus perpetuis ibidem temporibus inviolabiliter observetur Preterea quascumque possessiones quecumque bona eadem ecclesia impresentiarum juste et canonice possidet aut in futurum concessione pontificum largitione regum vel principum oblatione fidelium seu aliis justis modis prestante Domino poterit adipisci firma vobis vestrisque successoribus et illibata permaneant In quibus hec propriis duximus exprimendum vocabulis Ex dono illustris memorie Ludovici regis Francorum locum ipsum cum pertinentiis suis decem et octo sextarios siliginis annuatim de granario regio apud Lorriacum et quamdiu rex ibidem fuerit singulis diebus de domo ejus quatuor panes duos denarios dimidium sextarium vini et quatuor frusta candelarum quod si regina absque rege ibidem fuerit medietatem duntaxat horum recipietis tertiam preterea partem decime panis et vini regis quoties et quamdiu perhendinaverit apud Vitriacum in Logio vineas quas habetis apud Castellum Novum et prata que tenetis ad censum prope Cappas cum terra quam habetis de ipsa que fuit Burchardi apud Sanctum Martinum de Ars Sane novalium vestrorum que propriis manibus aut sumptibus colitis sive de nutrimentis vestrorum animalium nullus a vobis decimas exigere vel extorquere pre sumat Liceat quoque vobis clericos vel laicos e seculo fugientes liberos et absolutos ad conversionem recipere et eos absque contradictione aliqua retinere Prohibemus insuper ut nulli fratrum vestrorum post factam in eodem loco professionem fas sit de ipso sine prioris sui licentia nisi arctioris religionis obtentu discedere discedente vero absque communium litterarum cautione nullus audeat retinere Cum autem generale interdictum terre fuerit liceat vobis clausis januis exclusis excommunicatis et interdictis non pulsatis campanis suppressa voce divina officia celebrare Sepulturam preterea ipsius loci liberam esse decernimus ut eorum devotioni et extreme voluntati qui se illic sepeliri deliberaverint nisi forte excommunicati vel interdicti sint nullus obsistat salva tamen justitia illarum ecclesiarum a quibus mortuorum corpora assumuntur Obeunte vero te nunc ejusdem loci priore vel quolibet tuorum successorum nullus ibi qualibet subreptionis astutia seu violentia preponatur nisi quem fratres communi consensu vel fratrum pars consilii sanioris secundum Dei timorem et beati Benedicti regulam providerint eligendum Paci quoque et tranquillitati vestre paterna in posterum sollicitudine providere volentes authoritate apostolica prohibemus ne quis infra ambitum domorum vestrarum furtum facere ignem apponere hominem capere vel interficere rapinamve committere seu aliquam violentiam temere audeat exercere Decernimus ergo [] Si qua igitur [] Cunctis autem [] Amen Amen Amen Ego Urbanus catholice ecclesie episcopus SS Benevalete Ego Henricus Albanensis episcopus SS Ego Paulus Prenestinus episcopus SS Ego Johannes presbiter cardinalis tituli sancti Marci SS Ego Laborans presbiter cardinalis sancte Marie tran Tyberim tituli sancti Calixti SS Ego Pandulfus presbiter cardinalis tituli XII apostolorum SS Ego Albinus presbiter cardinalis tituli sancte Crucis in Jerusalem SS Ego Melior presbiter cardinalis sanctorum Joannis et Pauli tituli Pagmachii SS Ego Jacinthus diaconus cardinalis sancte Marie in Cosmidin SS Ego Gratianus sanctorum Cosme et Damiani diaconus cardinalis SS Ego Bobo sancti Angeli diaconus cardinalis SS Ego Octavianus sanctorum Sergii et Bachi diaconus cardinalis SS Ego Soffredus sancte Marie in Via Lata diaconus cardinalis SS Ego Rolandus sancte Marie in Porticu diaconus cardinalis SS Ego Radulfus sancti Georgii ad Velum aureum diaconus cardinalis SS Datum Verone per manum Alberti sancte Romane ecclesie presbiteri cardinalis et cancellarii III idus julii indictione IIII incarnationis dominice anno MCLXXXVI pontificatus vero domni Urbani pape III anno primo