Charter Document - 05400254
| Charter Number: | 05400254 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1186 |
| Date type: | Internal, A.D. |
| Resource Link(s): |
|
Charter:
Philippus Dei gratia Francorum rex universis in territorio et in parrochia ville Sancti Benedicti vineas habentibus salutem Quoniam fratris Josceranni de Templo viri religiosi quondam majoris vestri veraci testimonio didicimus quod et monachi et servientes ecclesie beati Benedicti ad que rendam decimam et recipiendam necnon et captiones consuetudinarie cellaria vestra debeant ingredi et quod etiam in cellarium suum quod majoris erat dominii quam alii consuevissent intrare ideo vobis mandamus et precipimus precise quatenus nuntiis abbatis ad querendam decimam et captiones transmissis cellaria vestra omni contradictione et difficultate remota ingredi permittatis Si quis autem huic precepto nostro presumpserit contradicere nostram inde habebimus et abbatem suam faciemus emendationem habere Actum anno ab incarnatione Domini MCLXXXV mense martio