Charter Document - 05400252

Quoniam per bivium caritatis compendiosius pervenitur ad vitam familiare et necessarium salute consilium est indesinentis studii vigilantia caritatis operibus inservire caritas enim nisi dispensetur elabitur dispensata non minuitur sed augetur Hujus igitur rei gratia ego Dalmatius abbas Cas Dei et fratres nostri cum ad monasterium beati Benedicti hospitandi gratia venissemus et a venerabili abbate Garnerio honorifice recepti essemus inter dilectissimos fratres et dominos nostros prefatum scilicet abbatem necnon totam congregationem monasterii beati Benedicti Floriacensis super mutue vinculo fraternitatis sub hac forma componere decrevimus ut inde salutis remedia eterne nostris et successorum nostrorum proveniant animabus Statuimus igitur quatenus quisquis Sancti Benedicti futurus est abbas in benefactis et orationibus nostris integre communicet ac si ecclesie nostre vinculo professionis fuisset astrictus Decrevimus etiam quod si aliquem monachorum nostrorum reatu sui exigentia alicui pene addixerimus abbas Sancti Benedicti si ad nos venerit et in capitulo nostro interesse voluerit penam poterit minuere vel penitus relaxare Festum etiam beati Benedicti de illatione quod est II nonas decembris XII lectionum faciemus Ipsi vero festum sancti Roberti quod est VIII kalendas maii similiter celebrabunt Si vero aliqui predicte ecclesie monachi ad nos venerint ampliori honore quam nostri suscipientur Decretum est insuper aput nos ut singulis annis in calendibus martii profratribus totius congregationis viam universe carnis ingressis die que primum libera occurrerit signa nostra solemniter pulsantur missa in conventu celebrabitur tricesimum incipietur cuidem pauperi XXX diebus cotidianos victus assignabitur Beati vero Benedicti devota congregatio in consimilibus beneficiis pari nobis vicissitudine respondebit