Charter Document - 05400247
| Charter Number: | 05400247 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1183 |
| Date type: | Internal, A.D., Calendar |
| Resource Link(s): |
|
Charter:
In nomine sancte et individue Trinitatis Noverint universi tam posteri quam presentes quod Arnulphus Guinaut masuram de Breten juxta molendinum duarum aquarum ecclesie nostre pro remedio anime sue in presentia totius capituli liberaliter tribuit et nobis in perpetuum annuit possidendam Gaufridus etiam miles cognomine Besens ad cujus feodum masura illa pertinebat donum istud laudavit et concessit et feodum masure illius ecclesie nostre quittavit ego autem abbas Garnerius et omnis conventus predicte ecclesie eidem Arnulpho prioratum de Cataleta tantum in vita sua habendum firmavimus ipse autem armario in festivitate sancti Benedicti hiemali annuatim duodecim denarios reddet ea videlicet conditione quod prefatus Arnulphus infra ambitum ejusdem prioratus domum ad habitationem unius monachi vel duorum congruam et grangiam simul ad valentiam quingentorum solidorum infra duos annos edificabit post ejus vero decessum aut si eum in vita sua ad aliquam religionem de se donum fecisse constiterit cum omnibus que in parochia illa quocumque modo acquisierit et omni suppellectili et substantia que in eodem domo inventa fuerit ad nos sine aliqua contradictione revertetur Dictum etiam et firmatum est quod tres lecti ad minus cum omni apparatu suo invenientur Actum anno ab incarnatione Domini MCLXXXIII Ex parte nostra hujus rei testes sunt Artaudus prior Arnulphus subprior Gaudefridus tertius in ordine Guillelmus cellerarius Hugo prepositus Guillelmus armarius Richardus infirmarius Durendus succentor Ex parte Arnulfi Guinaut testes sunt Ferricus miles Gaufridus major Sancti Benedicti Simon dictus de Soisi Gaufridus Besens Guibertus Jovis Datum per manum Guillelmi armarii kalendis novembris