Charter Document - 05400231

In nomine sancte et individue Trinitatis Notum sit presentibus et futuris quod controversia que erat inter ecclesiam de Karitate et ecclesiam de Patriciaco pro ecclesiis de Gaanay in hunc modum pacificata est ecclesia sancti Joannis parochialis tam in donatione ecclesie quam in omni beneficio quod quoquomodo in ecclesia evenire potuerit communis est per medietatem monacho de Lamanai et monacho de Fontanis capella autem sancti Georgii et capella sancti Petri de Vinariis in omni oblatione et beneficio quoquomodo de ecclesia utraque et de altaribus exierit communis est per medietatem predictis monachis excepto quod curia domini Thebaudi de Arbursa propria est monachi de Lama[nai] sine parte monachi de Fontanis et curia domini Bastardi propria est monachi de Fontanis sine parte monachorum de Karitate et ita servabitur per omnes in futurum successiones monachi autem de Karitate et monachi sancti Benedicti vicissim servitium facient in ecclesia per medietatem sicut medietatem beneficii percipiunt Si quid autem eleemosyne de terra vel possessionibus datum fuerit utrisque monachis unicuique remanebit quod ei datum fuerit sine parte alterius Pro hac pace tenenda recipient monachi de Fontanis septem solidos annuales in fornagio de Gaanai in parte domini Thebaudi Actum est hoc per voluntatem et assensum A abbatis sancti Benedicti et totius capituli sui et per assensum et concessionem Radulfi prioris de Karitate et totius capituli sui Interfuerunt huic compositioni ex parte monachorum de Patriciaco Bernardus de Gandelli Willelmus de Moneta Bernaii Bastardus de Cona ex parte monachorum de Karitate Theobaudus de Arbursa Wido de Arcuin et Hugo frater ejus decanus de Karitate Guido Gaufridus prior de Boniaco Per manum Hugonis de Gondelli prioris de Patriciaco et per manum Galterii de Arcuin prioris de Lamanai Anno ab incarnatione Domini MCLXXXII