Charter Document - 05400229

Charter Document - 05400229


Charter Number: 05400229
Cartulary Title: Recueil des chartes de l'abbaye de Saint-Benoît-sur-Loire
Charter Language: Latin
Charter Origin: Royal
Charter Type(s): Decree
Date: 1181
Date type: Internal, A.D., Regnal
Resource Link(s):

Charter:

In nomine sancte et individue Trinitatis amen Philippus Dei gratia Francorum rex Noverint universi presentes pariter et futuri quod Arraudus abbas beati Benedicti super Ligerim totusque ejusdem ecclesie conventus homines suos qui tallias eis debebant a servientibus ipsius ecclesie in exactionibus talliarum quandoque modum excedentibus gravari considerantes talliam ab hominibus de baillia Corileti et de Vetulis Domibus et ab hominibus de Curia Marigniaci et de Ulseio et Monsteriolo sibi debitam duxerunt admensurare et sub certa summa singulis annis reddendam definire ut sic tam hominum conquestus quam servientum tolleretur Constituerunt igitur assensu eorumdem hominum quod nomine tallie singulis annis proxima die dominica post festum sancti Remigii homines baillie Corileti et de Vetulis Domibus reddent novem libras et novem solidos sex denarios homines baillie Curie Marigniaci Ulseii Monsterioli viginti quatuor libras et quatuor decim solidos salvis aliis consuetudinibus que prefate debentur ecclesie Quod etiam ut distinctius et absque questione in perpetuum fiat quid unaqueque masura illius terre in predictas summas annuatim conferre debeat per cartam abbatis et capituli determinatum est Ex illa vero summa pecunie quam homines de Corileto et de Vetulis Domibus reddiderint Obertus et post decessum Oberti ipsius heredes viginti solidos singulis annis percipient ex illa quam homines de Curia Marigniaci Ulseii Monsterioli sunt reddituri quilibet trium majorum illi baillie presidentium decem solidos habebit cum jam dicti denarii ad abbatem fuerint allati Statutum est etiam quod a predictis hominibus nihil ultra determinatam talliam poterit exigi nec iidem homines aliquid amplius dabunt nisi abbatem vel Romam vel ad concilium domini pape contigerit proficisci quod quando contigerit ipso anno a sepedictis hominibus pretaxata tallia tantum duplicata reddetur Que omnia ut perpetuam stabilitatem obtineant presentem paginam sigilli nostri auctoritate ac regii nominis caractere subter annotato precepimus confirmari Actum Lorriaci anno incarnati Verbi millesimo centesimo octuagesimo primo regni nostri secundo Astantibus in palatio nostro quorum nomina supposita sunt et signa Signum comitis Theobaldi dapiferi nostri S Guidonis buticularii S Mathei camerarii S Radulphi constabularii Data per manum Hugonis cancellarii