Charter Document - 05400228
| Charter Number: | 05400228 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1181 - 1217 |
| Date type: | Assigned |
| Resource Link(s): |
|
Charter:
Petrus Dei gratia Carnotensis episcopus viris venerabilibus et amicis in christo carissimis abbati et conventui sancti Benedicti supra Ligerim salutem et Spiritus Sancti consolationem Innotuit nobis dilectus noster Ansellus de Botemvillari miles quod quandam habet in nostro episcopatu decimam quam videlicet ecclesie vestre intuitu elemosine intendit humiliter erogare ut beneficiis domus vestre possit vobiscum in perpetuum munerari Nos vero ad ipsius petitionem opus tam benignum benignius recepimus et donum vobis collatum gratum habemus et dantis devotionem in Domino laudabilem gerimus et acceptam placeret equidem nobis ut ad istius exemplum decimarum illiciti possessores in debitam ecclesiarum hereditatem ipsas intenderent revocare