Charter Document - 05400219

Guido Dei gratia Senonensis archiepiscopus omnibus ad quos littere presentes pervenerint in Domino salutem Universitati vestre notum fieri volumus quod cum inter nos et Arraudum abbatem et monasterium sancti Benedicti super Ligerim super presentationibus presbiterorum in quibusdam ecclesiis diu habita fuisset dissensio in ecclesiis videlicet de Monte Barresio de Castaneto de Vetulis Domibus de Maceriis de Chataleta de Bussedello de Ulseto de Musteriolo et de Pruneto tandem in hunc modum facta est transactio quod in tribus de prenominatis ecclesiis in ecclesia scilicet de Ulseto de Musteriolo et de Pruneto pro bono pacis presbiterorum presentationem in perpetuum predicto abbati et jam dicto monasterio concessimus habendam Concessimus etiam eis quod a predecessoribus nostris constabat esse concessum presentationem videlicet presbiterorum in ecclesiis sancti Petri Stampensis de Lorriaco in altero presbiterorum juxta tenorem privilegii nostri predecessoris Wilelmi tunc Senonensis archiepiscopi de Villari sancti Benedicti et de Duisione In aliis autem ecclesiis de diocesi nostra de cetero presentationes reclamare non poterunt nisi in posterum largitione nostra vel successorum nostrorum eis indultum fuerit et concessum alia vero beneficia que in supradictis ecclesiis sive in aliis de diocesi nostra possident decimas etiam et redditus alios eis confirmamus volentes et statuentes ut in ecclesiis in quibus usu quotidiano beneficia percipiunt presbiteri qui constituentur fidelitatem eis per juramentum faciant de omnibus que ipsos contingunt portionibus Hoc autem ut ratum maneat et firmum presentis scripti patrocinio fecimus confirmari et sigilli nostri munimine roborari Actum Escarleiis anno incarnati Verbi MCLXXX