Charter Document - 05400214
| Charter Number: | 05400214 |
|---|---|
| Cartulary Title: | Recueil des chartes de l'abbaye de Saint-Benoît-sur-Loire |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1179 |
| Date type: | Internal, A.D. |
| Resource Link(s): |
|
Charter:
Ut in nostris gesta temporibus firmitatis id habeant et vigoris ne quid eis postmodum apponat cupiditas vel subducat oblivio de quo possit imposterum oriri dissensio certo solent stilo vel pagine commendari Propter hoc ego Manasses Dei gratia Aurelianensis episcopus omnibus qui presens scriptum viderint vel audierint notificandum duximus quia ad preces et petitiones venerabilis fratris nostri Arraudi Floriacensis abbatis omnes magnas decimas annone videlicet et vini quas in episcopatu nostro de manu laicali potuerit sibi acquirere ipsi et successoribus ejus canonice constituendis et eidem ecclesie in perpetuum possidendas concedimus et ut inviolatum perseveret sigilli nostri munimine roboramus Si quis vero huic nostre concessioni in aliquo contraire attemptaverit anathema sit Actum anno incarnati Verbi MCLXXIX astantibus in ecclesia sancte Crucis majoribus personis Hugone decano Andrea cantore Letoldo subdecano Manasse capicerio cancellario nullo Datum per manum Roberti notarii nostri